Usurbil Oiardo Kiroldegia

Abonu-txartela egin nahi duenak Buruntzaldeko (Andoain, Lasarte-Oria, Urnieta, Usurbil) edozein kiroldegitan egiteko aukera dauka baina, Buruntzaldean bizi bada eta 4 herrietako kiroldegiak erabili nahi izanez gero, abonu-txartela enpadronatuta dagoen herrian egitera behartuta dago.

Abonatu-txartela egiteko bi aukera daude:
– Izen emate orria Internetez bidali Udalaren Kirol Zerbitzura eta bulegotik pasa bakoitzaren bi argazkirekin. – Udalaren Kirol Zerbitzutik pasa izen emate orria betetzera bi argazkirekin.

Abonatu izateari utzi nahi dionak Udalaren Kirol Zerbitzuaren bulegoetan finkatutako data baino lehen adierazi behar du. Horrela egingo ez balu, hurrengo urtean ere abonatu izaten jarraitu nahi duela ulertuko da.

Abonuaren kuotari dagozkion erreziboak itzuliz gero edo abonuak ezarritako epean ordainduko ez balira, ordaindu ez dutenei, berehala, baja emango zaie.

Abonu-txartela galduz gero, berehala jakinaraziko zaio Udalaren Kirol Zerbitzuari eta honek berria egingo du, aldez aurretik ezarritako prezio publikoa ordainduta.

Abonatu txartela pertsona batena eta alda ezina da.